1 - қазан – Халықаралық қарттар күні

1 -  қазан – Халықаралық қарттар күніне орай Кеңжыра орта мектебінде ата-аналармен бірлескен жұмыс ретінде “Қарттарым - асыл қазынам” атты мерекелік іс-шара ұйымдастырылды. Шараға ауылдағы ардақты қарттар, ата-әжелер шақырылып, мектеп оқушыларының дайындаған өнерлері ортаға салынды. Сонымен қатар, ауылымыздың мәдениет қызметкерлері де өз үлестерін қосып, шараның басы-қасынан табылып, жоғары деңгейде өтуіне ықпал ете білді.
Тақырыпқа сай жыр шумақтары оқылып, әсем әндер шырқалды. Ардагер ұстаздар мен ауыл қариялары жылы лебіздерін білдіріп, ақ батасын берді.
Бұл мерекелік шара оқушылардың үлкендерді құрметтеу, ізет көрсету дәстүрін дәріптеп, қарттарға деген сыйластықты арттыруға ықпал етті.
Мектеп ұжымы қарттарға ұзақ өмір, денсаулық пен амандық тіледі.

Ұйымдастырушылар: Ата-аналар комитеттері және директордың тәрбие жөніндегі орынбасары Омарсагымова Г.А.