Жылдың үздік мұғалімі - 2022

"Кеңжыра орта мектебі, мектепке дейінгі шағын орталығымен" коммуналдық мемлекеттік мекемесінде мектепішілік "Жыл мұғалімі-2022" байқауы ұйымдастырылып, өткізілді. Мақсаты-шығармашылықпен жұмыс істейтін талантты, ой-өрісі биік өзіндік авторлық жаңашыл идеясы бар, ғылыми-әдістемелік шеберлігі зор, педагогикалық мәдениеті жоғары жан-жақты дамыған мұғалім мәртебесін көтеретін ерекше тұлғаны анықтау. Байқауға әр пән бірлестігінің ұсынуымен бір мұғалім қатысып сынға түсті. 5 жылдан жоғары еңбек өтіліне байланысты қатысқан мұғалімдер алғашқы кезең "Әдістемелік қоржын" кезеңі бойынша өз қоржынындағы инновациялық әдістермен бөлісті. "Кәсіби құзіретті мұғалім" кезеңінде 15 минуттық сабақ көрсетсе, жағдаяттық сұраққа жауап беріп, аудиторияны баурап алу , өзіне қарату мақсатында "Импровизациялық тапсырма" кезеңі бойынша өз шеберліктерін көрсете білді. Әділ-қазы мүшелері қатысушылар портфолиосын қарап, байқауда көрсеткен белсенділіктеріне, жаңашылдығына, заманауилығына қарай тиісті бағаларын беріп, мұғалімдерді марапаттады. Нәтижесінде А.Смағұл "Жаңашыл ұстаз" номинациясына ие болса, Г.Омарсағымова 3-орын, С.Өтеген 2-орын, А.Жанабаева 1-орын, Е.Айтқалиұлы бас жүлдеге ие болып, аудандық кезеңге жолдама алды.